العين تبكي واسرفت بالمناديل |
ولو كانت دموعي بحر كان نشت |
على فراق ام الرموش المظاليل |
يطلع هدبها للملا لو تغشت |
اذكر زمان كان كله تعاليل |
واذكر زمان فيه بالوجه بشت |
واذكر غياب الشمس والهمس والليل |
ولا هان يوم فيه بالقلب دشت |
كنت المبجل عندها كل تبجيل |
لو اغلط بكلمه تغاظت ومشت |
كانت لقلبي مثل عذب المناهيل |
سحابةٍ يوم اجدب القلب رشت |
كانت رحيمه ما تحط المحابيل |
ما عمرها للقلب خانت وغشت |
بس الزمن قاسي ولابه محاصيل |
تصبح سباعه جايعه ما تعشت |
وغبر الليالي حلحلت باقي الحيل |
وايامها وقفت بوجهي وكشت |
نشمي حامد المويعزي الحربي |
|
