هاض الضمير وعبر القاف تعبير |
حنا نقول وقولنا محتمينه |
ما هو كلام مشفر القاف تشفير |
نقول شعر وشعرنا كاشفينه |
مما حدث لا باس لا باس يا مير |
يا ميرنا يا اللي طول الله سنينه |
حنا يا أبو فيصل جنود مغاوير |
نقضي على المجرم بوقته وحينه |
يا ميرنا حنا معك واصل السير |
في بر ولا بحر ولا مدينه |
ولاي همك يا زبون المخاسير |
واللي نواك بشر تبت يدينه |
رهن الاشارة ما ندور معاذير |
ودرب يوصلنا العدو خابرينه |
أمر غريب يفجر الشخص تفجير |
هذا هو الارهاب يا جاهلينه |
والحادثة هاذي لها واقع غير |
لكن لغز كلنا عارفينه |
لازم نقدر كل الاوضاع تقدير |
ونواجه الواقع بزينه وشينه |
حنا نحذر باقي القوم تحذير |
واللي ما هو في صفنا واصلينه |
اللي يقوم يكفر الناس تفكير |
بالله ابي اعرف وش هي اصول دينه |
يا محضرين مع الشياطين تحضير |
ما هوب رابح من عصا والدينه |
اللي يمثل عالما ما بها خير |
خسر وخسروا زمرتا مشترينه |
تصرفٍ ما له على الناس تاثير |
الا يزودهم بعزم وفطينه |
في ذمتي يا الضالين المعاثير |
ما تاصلون اللي يقود السفينه |
ترعف من الدم السيوف البواتير |
ومنها يبي يعم الامن والسكينه |
وصلت لحد رموزنا يا مناعير |
خلاص صبرا كلنا صابرينه |
من سمع ولا شاف يكتب تقارير |
كلا يقوم ويفتح أذنه وعينه |
لابد من نبحث ونضرب مشاوير |
والوقت يوجد فيه فرصه ثمينه |
تلقون عدوان الشريعه مخامير |
اما يسار الخط ولا يمينه |
هاذي خواطر قلتها بس تذكير |
وكلا على امن بلاده الله يعينه |
سعود عالي الجش المطيري |
|
