على سلامة سيدي رجل الأمن رجل السلام |
اهنئ الشعب السعودي والحكومة كلها |
تعيش يا من تسهر عيونه وخلق الله تنام |
كل الأمور اللي تخص أمن الوطن صاحلها |
تسهر عيونه ما تهنا بالشراب وبالطعام |
يرعى حقوق الشعب في دق الأمور وجلها |
أبو شهيد الواجب اللي مات وأبون لليتام |
وأبو المكارم والتواضع كل صعبه حلها |
امشرع صدره وبابه كل يوم وكل عام |
يحل صعبات الأمور وكلها يفطن لها |
من طيب رأسه ما تزعزع من خفافيش الظلام |
واهل القلوب الحاقدة تبا تبوت بغلها |
يا سيدي حنا فدا للدين وعزاز المقام |
آل السعود اللي بعون الله يظلل ظلها |
حنا ولانا طال عمرك من على عهد الكرام |
متوارثينه ورث قومٍ ما تغير دلها |
ما ينقض لو دارت الدنيا ولو طال الكلام |
حنا رجال لا دعا الواجب تجيك بحلها |
دون الوطن والدين وملوك العدل ما احد يلام |
وحنا فدا وأرواحنا طول الزمان فداً لها |
المقدم/ فيحان بن شعيفان بن محسن المقاطي |
|
