حماك الله ياداري من الحساد والمقرود |
على التوحيد ياربي دياري عز بيرقها |
تحت ظل المليك اللي نجدد له ولا وعهود |
عهود راعي الذمه حشا ماهو بايقها |
ابو متعب فداك الروح حنا لك خدم وجنود |
جنود في اللوازم جاهزة شحنة بنادقها |
تحت خدمة ملكنا باذن ربي ندي المجهود |
ونقسم له بمن بيبان عرشه ما يغلقها |
ونحمد اللي شفا باذنه حبيب الجد والمولود |
ودعينا الله يعود وعاد والدعوات حققها |
هلا ياسيدي سلطان ياتاج الفخر والجود |
ترحب بك قلوب في غيابك ماتفارقها |
على طول البطا يا سيدي دايم معي ماجود |
بقلبي صورتك واحساس تفكيري يعانقها |
ازف لك التهاني من ربوع ابها بدهن العود |
معا زاكي تحياتي وصدق الشوق رافقها |
خطاق السو يا سلطان واحمد ربنا المعبود |
على رجعتك لديارن عشيقه وانت عاشقها |
هلا بك عد ماهل السحا وحن فيه رعود |
مشاعر شاعره فرقا سموك حيل مرهقها |
تباشير الفرح جت يوم قالو سيدي بيعود |
ونذر إن البشاير في وصولك رحت سايقها |
قدومك ياولي العهد ينبت بالقلوب ورود |
وتورق بعد حر غياب زولك كان حارقها |
تفز المملكة لك من الغلا ياسيدي وتزود |
تباشير الفرح لك من مغاربها لمشرقها |
وتقفز لك الضعوف اللي كرم جودك عليها جود |
كما صب السحاب اللي مزونه زاد بارقها |
عسانا كل عام نلتقي بك في فرح وسعود |
وجموعٍ تعتصم بالدين يالله لا تفرقها |
مخاوية الذيب – أبها |
|
