يا سيدي سلطان لك طابعٍ غير |
بقلوب كل الشعب شيب وشبابي |
محبتك أكبر من سواج والنير |
ذيك الجبال النايفات النوابي |
وزودن على ذلك معزة وتقدير |
تقديرها يفوق كل احتسابي |
واسعد خبر فرح شعوب وجماهير |
يوم ان أبو خالد تعافى وطابي |
كلٍ من الفرحه ترى عده يطير |
ومن الفرح نلبس جديد الثيابي |
وشعبك على شوفك يسوق التباشير |
ولها لشوفك بعد طال الغيابي |
يا صامل الوقفه ويا راعي الخير |
هتان جودك مثل ودق السحابي |
غيثٍ تصرم من مزونٍ مزابير |
يسقي دهاكيل الوطا والشعابي |
العشب من سيله غدا له نواوير |
فالروض والا في سفوح الهضابي |
لارض الوطن الله يرجعك يا مير |
سالم وغانم يا عزيز الجنابي |
وصلاة ربي عد ما غرد الطير |
على رسول الله ختام الجوابي |
بدر بن زهران الشلاحي المطيري - جامعة القصيم |
|
