يا وطنا يا عسى يومك يعود |
كل عام وانت في أمن وسلام |
أول الميزان بالفخر معدود |
حيثه الذكرى لتوحيد الإمام |
يوم وحد مملكتنا والحدود |
وانطفت نار الفتن والانقسام |
واذن المذن ودوى بالوجود |
صوت حق يسمعه كل الأنام |
الحكم للواحد الفرد الودود |
ثم (لمعزي) ولافيها كلام |
صقرنا عبدالعزيز بن سعود |
يشهد التاريخ له في كل عام |
ميز بلاده بتطبيق الحدود |
ومنهج راسخ ومبدأ والتنام |
بالبطوله والتحدي والصمود |
والنزاهة والوفا والالتزام |
يا عسى روحه بجنات الخلود |
مع نبي الله والصحب الكرام |
وعقبه عياله عمت عين الحسود |
أكملوا نهجه بحكمه وانتظام |
صارت الدولة بهم ترقى سنود |
وتنبري للحق عند الاحتدام |
أشهد ان سعود مع فيصل فهود |
وعقبهم خالد حكم سبعة عوام |
ثم حكمها عقبهم صلب الحيود |
ولابو فيصل بالمحبه مانلام |
ثم حكمها اللي على شعبه يجود |
أبو متعب سيدي رجل المهام |
أبو متعب قادها للمجد قود |
وحظيت بعهده بحب واحترام |
صار بالعالم لها قدر يزود |
وفوق هام المجد صارت بالسنام |
أبو متعب طيب الوصف محمود |
شمس عز تشرق بقصر السلام |
يسهر وشعبه من النعمه رقود |
وهو عينه لجل شعبه ما تنام |
بالرخا ريف وبالشدات طود |
خالقه ربي لعدوانه خزام |
وبالكرم غيث بلا برق ورعود |
ونور عدله يجلي جبال الظلام |
عند وصفه تنكسر كل القيود |
هيبة تخشى وهمات عظام |
ويا ولي العهد ياطب الكبود |
ننتظر عودتك يا الليث الهمام |
كلنا لجهود ابو خالد شهود |
الكريم اللي مهماته جسام |
وانت يا نايف ترى شعبك جنود |
وتحت أمرك يالوفي على الدوام |
ياوزير الأمن ياراع الجهود |
يامحنك فزت في أغلى وسام |
ويا وطنا عنك بانفسنا نذود |
مانفرط فيك لو راحت عدام |
تسعه وسبعين عام من الصعود |
لين صرت بمنزلك فوق الغمام |
مايزعزع هيبتك نذل حقود |
وما يدنس حرمتك ولد الحرام |
وزمرة الارهاب ما عنهم صدود |
مالهم غير الفشل والانهزام |
الردى والفسق مع نقض العهود |
منهج الزمره قليلين الرحام |
قابلوا حسن التعامل بالجحود |
يوم سادس يشهد بشهر الصيام |
وش بقى من الزيغ لاحفاد القرود |
وش بقى لابليس من فعل اللئام |
يا كلاب النار ياجنود اليهود |
ديننا منكم بري يا اهل الأثام |
وبالنهاية للوطن حنا أسود |
ما يضام ومن سكن به ما يضام |
عطالله بن سليمان العطاالله – الزلفي |
|
