قال غبتي واحتجزك الصمت الأسود خلف بابه |
كل ما صرخ تصرخ الديره على صوت المنادي |
كن ذاك الحي من غبتي غداً للحزن غابه |
كل شيء به تغير وانتكس حتى المبادي |
البشر والأرض والأشجار والغيم وسحابه |
كلهم مثلي يحرثون المدى عن شيء غادي |
غيبتك هزت غصون الصمت وأقواس الربابة |
كل حزن سال من غيبتك حط الصدر وادي |
قلت والحسرة تصب الصوت في كوب الإجابة |
والله إني فوق حزني صابره صبر المهادي |
لا تلوم اللي غدا مستقبله سبة عذابه |
يا حبيبي يكفي انك صرت في نبضة فؤادي |
كل ليل استناس الاشعار وأوراق الصبابه |
واعجز اجسد معاناتي معك ما انته بعادي |
انت الأول والاخير وغير لا تحسب حسابه |
لو يطول البعد ابا ارجع بس خل الوضع هادي |
الواثقة |
|
