يا الله يا منشي هماليل ورعود |
تشفي ولد عبدالعزيز وترده |
يا الله تشفي منبع المجد والجود |
يا الله بالصحه وعمره تمده |
سلطان خير وكل الأيام مقصود |
والخير من كفه لشعبه يمده |
راع الوفاء والجود والعالم شهود |
وإليا ومره الله محد يرده |
حاكم حكيم وناهجٍ منهج العود |
عساه ما يعرض على النار خده |
ينصاه من يصبح من الوقت مضهود |
ما يلتفت بأهل الوجيه المصده |
عساه يبطي حي بالوقت موجود |
وعنه المرض يبعد وربي يلدّه |
عضيد أبو متعب على الطيب والكود |
يكن في قلبه لشعبه موده |
شعبٍ يحب قيادته حب ماكود |
علمٍ صحيح وما علينا نعده |
حكامنا آل سعود والسيف مجرود |
ومن خالف أمر ملوكنا لا تعده |
وصلاة ربي عد ما ذعذع النود |
وعداد ما راحوا لمكه وجده |
على نبيٍ وضح النقص والزود |
نبينا المحبوب والشرك لده |
فريح بن شقير السقياني |
|
