هذه القصيدة مرثية في المرحوم - بإذن الله - الشيخ محمد بن عايد بن الجويان العطوي

مرحوم يا عوداً إلى حل طاريه

كلاً يقول ونعم ماهي دعيه

ريفاً على الجيران واللي يخاويه

ولا عمر جاره شاف منه الأذيه

القلب يا محمد قسى الهم طاويه

طيه مفاتيل الرشا بعد ريه

ولا لوم عيني لو هدبها ترويه

من حارقاً بالقلب مثل الشويه

عليك ياللي كل لافي تحييه

يالشهم يالمحبوب سمح السجيه

اللي لفاكم للوناسه تسليه

ينسى همومه لو همومه قويه

يلقى المهيل في دلالك مسويه

وقودها مشبوب صبح ومسيه

بنن وهيلاً والعويدي يحليه

فنجالها لأهل القهاوي شهيه

يا عل قبرك بالأناوي تسقيه

تجيه من نوء الثرياء سقيه

ويشمل قبور أهل الكرم في مساقيه

تعمهم بالغيث عبر البريه

نرفع دعانا لواحد دوم نرجيه

عسى ماواهم بالجنان العليه