يالله يا للي بيدك الضيق وأفراجه
يا خالق الناس يا قاضي حوايجها
افرج لعين الى غضت بسوهاجه
تجهز عليها الطواري لين تزعجها
نوب سهرها شديد.. ونوب نهاجه
مرٍ تكض الدموع.. ومرّ تزعجها
عبدالله بن عون****
لا تاخذ الدنيا خراصٍ وهقوات
يقطعك من نفل الصميل البرادي
لك شوفة وحده.. وللناس شوفات
ولا وادي سيله قطع سيل وادي
والى عزمت.. فحط للرجل مرقاة
من خوف يدري بك كذوب ربادي
عبدالله بن سبيل****
ترى الرجال بهم فهود وحياوين
جاك الكلام اللي صحيحٍ ثباته
رجل تشوفه لبس وعيون ويدين
لولا الشعر ما تفرقه من خواته
ورجل تعلق به رجال مسمين
عز الرفيق ولابته ولحماته
مرشد البذال
