شف فرحتي يوم التفت لي ودادك
نشوة مشاعر في عيوني تحييك
أشوا تحرك من شعوري جمادك
كم لي المح باهتمامي اناديك؟!
هربت مني واعذب الحرف صادك
إن رحت طيبي, والشعر ما يخليك
ما ريحك صمتك ولا الصد فادك
انا اتحدى كان غيري ينسيك
جاهدت شاقي ضد نفسك جهادك
أرهقت حالك في جفاك وتماديك
تعتيمك لشوقك على الضيق قادك
الكبت في بعض المجالات ينهيك
الارض قربي واهتمامي بلادك
وحكي الغلا مني اهلك ومحبيك
لا تبتعد عنهم وتتبع عنادك
ترا الكبر يم الخساير يوديك
لو تنجرح ماغير قلبي ضمادك
ومافيه غيري بالخلايق يداويك
لا تمتطي بالكبر صهوة جوادك
ريح ضميرك جعل ربي يخليك
ما دمت انا شفك وغاية مرادك
ولا شفت مني غير شيٍ يسليك
وش حدك تراعي بكبرك عنادك
وانا بشوقي واهتمامي اناديك
الشاعر- فيصل بن سبيّل
