يا زين خل الغلا مابيننا خله
لا تقطع الوصل بالهجران يالغالي
في وسط قلبي حفظت الشوق لك كله
وغيرك من البيض ماتطري على بالي
حبك جرى بالعروق وسبب العله
يوم الجفا منك ياعذب اللما طالي
يامل قلبن يفوح اعظم من الدله
جمر الغضا حدرها وينوشها الصالي
ويامل عينن تفيض الدمع وتهله
ماترقد الليل من همي وغربالي
وياحالي اللي من الهجران منسله
سليتها بالموده يا بعد حالي
يابو عيونن هدبها سود ومظله
فيك الوصوف الجميله مالها تالي
الطف بحالي ترى معادلي والله
حيلن على الهم والغربال يحتالي
القلب ياصاحبي طول الرجا مله
وش عاد لامل قلبن يرجي الغالي
تموح قلبي ثلاث اسنين وتله
وانا اتبع ارضاك ياخلي على الخالي
لاصار به عقدتن ماهيب منحله
روح لفالك وانا بروح في فالي
سود الليالي غدت بالخل عن خله
ماجاك وقتك على كيفك ولاجالي
نايف العوني
