بسم الكبير اللهُ أكبر عبدناه
رب بسط سبع وسبع بناها
موسى كليمه من على الطور ناجاه
أعطاه ربه طلبته ما نساها
يا من شفيت أيوب من كبر بلواه
يا مجنب إبراهيم قوة لظاها
نزل على محمد كتابه وفحواه
آيات كرمها الرسول وقراها
صلى عليه الله وسلم ورباه
وأنعم عليه بأمته واصطفاها
يا الله تعز الدين وتدمر اعداه
وتحفظ كيان المملكة من عداها
دولة هل التوحيد والنصر والجاه
الله حباها بالشموخ وعطاها
دوله بها الإيمان ساسه ومرساه
وما قاله الباري وما قال طاها
دوله رقت فوق العلا فوق مرقاه
من يوم أبو تركي بعدله ولاها
عبدالعزيز اللي عسى الخلد مثواه
اللي رفع بين الدول مستواها
على كتاب الله دروبه وممشاه
أرسى قواعدها وقام وبناها
سارت على دروب الهدايه مطاياه
ما واسد العذرا ونام بذراها
على العدالة والهدى والمساواه
وحد قبايلها ووحد قراها
أمن هل البستان والذود والشاه
وكل الجزيرة صانها واحتواها
جمع شتات الشمل بالحلم وارياه
والرايه الخضرا علت واحتماها
عوجا على من ينكر الحق عوجاه
طوع سباع هايجه في فلاها
لامن أبو تركي تحيزم بشلفاه
الهجن تشكي من مسيره حفاها
به نفتخر به نعتزي لا ذكرناه
له سيرة يفخر بها من قراها
لولا الإله المعتلي ثم لولاه
ما شفت دولتنا يرفرف لواها
الدولة اللي فضلها ما جحدناه
أغلى ثرى فوق البسيطة ثراها
أم غذتنا بالحنان وشربناه
نوفي لها يوم الوفا من وفاها
نخلص لها واللي زرعنا حصدناه
والله ما نحصي فضايل عطاها
دار تكرم كل مسلم وترعاه
تحيا وتبقى أرواحنا من فداها
هذا وطنا كلنا من رعاياه
والدار ما نقبل يكدر صفاها
الحر ما يغدر بدينه ومرباه
وام تمد الخير ما هو جزاها
أنا سعودي منهج الشرع مبداه
يفخر بدينه والوطن ويتباها
طاعة ولي الأمر قصده ومغزاه
وحفظ العهود ومعرفة محتواها
بأرقابنا دين كبير عطيناه
لطاعة مليك بلادنا وومراها
مليكنا اللي لا دعانا سمعناه
الدعوة اللي شاقها وانتخاها
اليا طلب شعبه على الفور لباه
قايد مسيرتنا وحامي حماها
تفداه كل أرواحنا لا عدمناه
ذخر الرجال اللي رفع مستواها
حيا الله اللي بعد غيبه رأيناه
حييت يا غيث البلاد ورخاها
من غبت عنا زادنا ما اهتنيناه
واليوم كل الناس جاها مناها
حياك شعب تعتزي به وترفاه
يا من صروح المكرمات اعتلاها
عبدالله اسمك بالمواقف عرفناه
بك تفتخر دار الشرف يا رجاها
عبدالله أكبر من كلام كتبناه
كم خلة صقر العروبه رفاها
اصدر قراراته لشعبه وحياه
قصده بلاده يرتفع مستواها
اسم زها الشعب السعودي ويزهاه
المجد لو هو بالكواكب رقاها
عبدالله اسمك بالقلوب وحفظناه
يا سورها يا نورها يا ذراها
بحر الندى كل العطا من عطاياه
زها العلوم الفاضلات وزهاها
هذا الزعيم اللي سليمه نواياه
مواقفه من طيب راسه رعاها
حلمه شمل كل البلاد وقراياه
وعطفه تعدى حدودها لقصراها
وفي مستوى العالم نفاخر بمبداه
في كل خطوة لاجل الأمه مشاها
زار الدول والعلم يا صل لمنهاه
بانت نتايجها وبين صداها
ومبادرات اسلم قصده ومسعاه
وحوار بين شعوبها وزعماها
شدد وقال الحق ما به مراواه
والدين هو طب النفوس وشفاها
قال الشريعة من غدرها ردعناه
وناس تخون الدين نقطع بلاها
قال الوطن لازم نصونه ونرعاه
وروس غزاها ابليس نسحن دواها
ما همنا الجاحد وحقده وعجفاه
لا للنفوس الجاهلة من طغاها
والمنحرف واللي يسوي سواياه
أهدافهم بانت ونكشف غطاها
فعل ينافي للشريعة نفيناه
وينفاه كل شيوخها ووجهاها
واللي يبي درب السلامه نصحناه
يبعد عن الفتنة ويترك شقاها
واللي يعرف الحق ويطيع مولاه
ما يفتن الأمة ويشقر عصاها
صوت العدالة كلنا لو سمعناه
أ هل الخطايا تبتعد عن خطاها
يا هل الخطا ليه الخطا ويين ملفاه
وين العيون المبره من عماها
أهل الطغا وأهلا لحسد والملالاه
اقلوبهم بغض الحقيقة ملاها
لا يحسبون أن الدعاوي مهاداه
نرجع الرميه على من رماها
دون الوطن قاده وحراس ورماه
دونه سيوف ما تهاب اقبلاها
دونه رجال للمعارك مضراه
على المخالف سلطة من سماها
يا هل الوطن لا يذهب الوقت ملهاه
لازم دروب الشر نقطع ارشاها
تكاتفوا من دور الخير يلقاه
والشر لاصحاب الردا من رداها
لا ينحرف نهر الوفا دون مجراه
داروا على النعمه وكونوا معاها
من خان دينه والوطن تقصر اخطاه
من عاش بالحيلات يعرف مداها
يا ملوكنا حنا العهد ما طعناه
هذا عهدنا والعهود انحماها
تمت وصلى الله على من تبعناه
محمد اللي كل الأمه هداها
