سبحان رب العرش جل جلاله
الواحد الفرد الصمد عالي الشان
والحمد لله والشكر والثناء له
عافاك ربي وانجلت كل الاحزان
رب الملأ شافاك والشر زاله
وسلامتك ما تنقدر بالاثمان
يا خادم البيتين رمز الشكاله
يا مرحبا بك يابو متعب كحيلان
يا خادم البيتين رمز العداله
فيك التسامح والعفو خير عنوان
ملك صغار الشعب حسبة عياله
وكبارهم يعدهم حسبة اخوان
ملك وقوله يسبقنه افعاله
ولا خير في قولن على غير برهان
الغرب اعطيته اجابة سؤاله
إن ديننا الاسلام ما فيه نقصان
دين التسامح والعفو والجزاله
دين التشاور والمحبه والاحسان
بك رحبوا واخذت منهم زماله
رغم اختلافات العقايد والاديان
وعلى مساع الخير يتعب رحاله
حلال صعبات المشاكل بليهان
ومبادرات الصلح دايم اباله
همه يكونون العرب صف واعوان
رجل الصداقه يوم يذكر مجاله
تضرب به الامثال في كل الاحيان
جملك ربي وانت راع الجماله
ويثني عليك الشعب شكرٍ وعرفان
مكه وطيبه سيدي راس ماله
فيها مشاريعٍ تحيرابها الاذهان
وسع مبانيها وكلٍ دعاله
وجاب القطار اللي نشوفه بالاعيان
وللعلم والتعليم فيك استماله
طورت صرح العلم في كل ميدان
ضد الفقر وضد معنى البطاله
وعز الرفيق وضد من كان خوان
وريف الضعيف اللي كسيفه حواله
وغيث الارامل والفقار ويتمان
نوٍ سرى برقه ينوض اشتعاله
يسيل منه الروض وتسيل وديان
من شاف برقه من دياره عناله
غيثٍ على الشعب السعودي وهتان
عسى السعد والخير والعز فاله
ويبقى لنا دايم على مر الازمان
وصلوا على المختار راع الرساله
اعداد ما هز الهوى لدن الاغصان
عبيد بن صالح أبو ثنين
