يا دار هلي وافرحي به وحييه
ردي عليه من التحايا مثناه
هذا الزعيم اللي كرامٍ مباديه
عبد الله اللي تبذل الطيب يمناه
مليكنا ربي يحرسه ويحميه
من كل شر الله يحفظه وياقاه
الشعب كله بالدعا رافع ايديه
يالله حقق دعوة الشعب يا الله
يالله تمم له شفاه وتعافيه
واعطه يارب الناس مما تمناه
ريف الضعيف اللي دهنه لياليه
وابواليتيم وراعي العز والجاه
اقبل علينا واقبل الخير بيديه
مثل السحاب اليا اعتلا وانتثر ماه
اليا مشى كل القبايل تباريه
وان حل حل الخير حوله وبحماه
لله دره سامياتٍ معانيه
تشهد بطيبه قبل صدقانه اعداه
نعم نحبه ونتكاتف حواليه
شعبه وجنده كلنا نتبع خطاه
عبد الله بن علي الخاطر
