تسابقي يا بيوت الشعر طربانه
ذيع الخبر والفرح هلت تباشيره
حيا الله اللي بشوفه تفرح أوطانه
القايد اللي شمل كل العرب خيره
مدات جوده سوات الغيث وامزانه
ومواقفه ما وقفها عاهلٍ غيره
عبدالله اللي قلوب الشعب ولهانة
ترقب تباشير شوفه طيب السيرة
أي والله قلوبنا بالود مليانة
بصدورنا يا كثر حبه وتقديره
لعل عمره مديد وتبطي ازمانه
لولاه ضاعت حقوق الجار والجيرة
ولولاه كل العرب فقرا وجيعانه
والشمل الاعدا سعوا في كل تدميره
يا سيدي كل قلبٍ ضخ شريانه
بالحب لك يا فنار المجد والديرة
غيبتك عنا بها الأعيان سهرانة
ومرضك فاقلوب شعبك عم تاثيره
واليوم حل السعد والناس فرحانة
ذا ثالث أعيادنا شبت فنانيره
حييت يا من له الابيات طربانة
تسابقت والفرح هلت تباشيره
هاجد شحيبان العطاوي
