يا باني أمجاد الوطن مرحبا فيك

نورت دارك يا كبير الولايف

أسمى التهاني تنبعث من أراضيك

لك بالقلوب وما تقول الشفايف

أنا احمد الله بالسلامة نهنيك

مثلك يا بومتعب علا للنوايف

مرضك يمرضنا عسى الرب يحميك

وسلامتك سعد القلوب السخايف

يدوم عزك لا عدمنا خطاويك

همك وطنك وما حسبت الكلايف

حبيت شعبك ما تغير هقاويك

بينك وبين الشعب بيض الصحايف

يالحاكم العادل بالروح نفديك

شلت الحمول ثقالها والخفايف

صقر العروبة ما ربح من يعاديك

يلقى غضبكم والسنين العجايف

لا ما تفرق بين هذي وهاذيك

وبيدك تحل معقدات الطوايف

وتلين وقت اللين سبحان معطيك

قلبٍ من الرحمة عروقه رهايف

هيبة ملك وكل التواضع باياديك

عز الضعيف وآمن كل خايف

الله استجاب لدعوة الشعب مغليك

عم الفرح كل الوطن والصحايف