زانت علوم الدار يا نجمة الدار
وفي جيّتك ياسيدي شعشع النور
حل الفرح واستبشرت كل الأقطار
والمملكه تلبس من السعد بلور
جو الفرح ممطور لو مابه أمطار
وشعب السعودي من لفيتوه مسرور
ياكم دعت أم اليتامى بالأسحار
أنه يحفظك منزل الحشر والطور
وسط الرياض افراح واعلام وانوار
والشعب كله منتظر ذا له شهور
يامرحبا مليون مليون تكرار
بقدوم عز المملكة نابذ الجور
نرجي لكم ياسيدي طول الأعمار
يامن حكمتم حكم الإسلام بالشور
شعبك يحبك من كبيرين وصغار
والكل ردد سيّد الجود ماجور
صقر العروبة ياذرى كل محتار
ياعل دربك مايجي يوم معثور
أنتم هل العوجا صناديد واحرار
والشعب في حبّك مسيّر ومامور
يالله عسى عمرك مديدٍ بالأعمار
والحزن ولاّ والفرح عانق النور
الشاعر - عبدالكريم إبراهيم بن خزيّم
