سعد العتيبي يعود بنص بهي جمع بين الإتقان والفكرة الجديدة:
أنا فهمتك وأنت والله فاهم
لك في خفوقي يا حبيبي غلاوه
فالصدر ثورة قلب ماهوب واهم
يبغى علاج وبيت ملك وعلاوه
علاوته شوقك وحبك دراهم
والبيت قلبك وأنت بالعشق داوه
وعقلي مع الإصلاح وده يساهم
وأرجوك لا تاكل بعقلي حلاوه
الأنظمة طاحت وعينك تراهم
ذي ثورة التغيير ما هي فضاوه
يمكن يجيك اللي دهمهم وجاهم
ويصيربك ما صار وأكثر ضراوه
في بيت.. في زنقة.. وراهم.. وراهم
عذّالنا فالحب مثل القطاوه
جروحهم ما فاد معها المراهم
وأحزابهم دايم تعارض غباوه
قلبي كبر وأصبح على الحب ناهم
وإليا كبر قلبي بالإحساس خاوه
والله فهمتك.. وأنت من قبل فاهم
لك في خفوقي شيء فوق الغلاوه
سعد عبدالرحمن العتيبي
