إيه القصايد بالمواقف لها دور

وبعض المواقف تستحق الجزيلات

واليا طرى صقر العروبه على الفور

تزوم في فكري جزيل العبارات

فكرة بفكرة والشعر هل منثور

وخط القلم يجمع على الطرس الأبيات

لا بأس يا فخر العروبة ومأجور

كل العرب لك رددوها سلامات

الله يحفظك يا ذرى شاكي الجور

يا هامة فاقت صراع الحضارات

يا خادم البيتين بالفعل مخبور

زعامتك فاقت جميع الزعامات

طهور يا كف الصخا صايب الشور

وبإذن الولي هذي نهاية معاناة

ولو المرض ينقل حملناه بالدور

بس المهم سلامتك كل الأوقات

سلامتك يا سيدي تشرح صدور

شعبٍ على شوفك يسوق البشارات

شعبٍ يحبك حب ماخالطة زور

وغيبتك يحسبها ثواني وساعات

يا سيدي الله يديمك لنا اعصور

حنا يمينك لا غشى الوقت عثرات

حنا لكم طاعة إلى نفخة الصور

الله ومن ثم الملك والقيادات

وما دام أبو متعب لنا عاد مسرور

إي والله إنا بخير وأمن وسلامات