تبي تعرف قدر حبي وكم قلبي عليك يذوب
ولالي حيلةٍ عنّك غرامك في شراينيي
تبي تعرف قدر شوقي وأنا عقلي معك مسلوب
أشّرع لك انا قلبي وتزهر بك بساتيني
تعال وبعثر اضلوعي تشوف ان الغلا مكتوب
أحبك قالها قلبي بكت من اجلها عيني
انا محتاج اسولف لك وعن حبك حشا ما توب
عليك الله وامانة ما نسيتك لا تعنيني
انا من لي بهالدنيا سواك اللي ملكت قلوب
كثر خوفي كثر حزني حرام انك تجافيني
انا بتبعك يا خلي ولو طالت عليّ ادروب
ومهما البعد عذبني دخيلك لا تخليني
انا باقي على عهدي وفا وخلاص يالمحبوب
لجل عينك تحملت العنا والهم كاويني
راشد القناص
