يا صاحبي ما عاد لي منك مصلوح

أطرد سراب ما روى شف كبدي

ليتك تشوف الحال لوعات وجروح

أتعبتني وانا عنا الوقت ضدي

جرحت قلبٍ فيه شيد لك صروح

ورسمت لوعات الحزن فوق خدي

يالوعة الحرمان والصوت مبحوح

يا صاحبي بيحت للناس سدي

ذي حالة اللي ينثر الدمع وينوح

بالله عسى سود الليالي تعدي

عايش بها لدينا بجسم بلا روح

مثل السجين اللي لحكمه يعدي

ترى الغلط من سيد الغيد مدموح

لا صار وده في الهوى مثل ودي

قالوا تحبه قلت غروٍ ومملوح

فيه الدلع ما بين مزحٍ وجدي

يا صاحبي لا تترك القلب وتروح

أخاف من طرد السحاب المعدي