تجارب

من قال سيف العشق ما يقطع وهو جوف الجراب

انااشهد انه ما عرف سيفه ولا قد جربه

وانا المجرب طعنته من سلته حتى النصاب

والجرح ينزف له سنه والدم واصل لركبه

شربة هوى

قال وش شفت في وجهي وفل الجديل

قلت صبح سرى ليل الدجى من وراه

قال وش في شفاهي قلت ما السلسبيل

من روى منه ساعة بعد لحظة ظماه

تشابه

واحد زهم باسمك على طفلة ورحت اتخيلك

شعرك عيونك نظرتك وآخر كلامك واوله

وشلون ما تشتاق لي وانته فوادي منزلك

معقول فوق الارض واحد ما يحن لمنزله

حيرة

كل ما دروت وصف يليق به ما القى له

كن وصفه قال دورني ولا تلقاني

خابر لساني فصيح وطلق ما يبغى له

مير حسنه حرض لساني على عصياني