الشاعر
محمد المتروك
آه عزي لعيني هذا ثالث شهر
أثر عين المولع ما تعرف المنام
سبة اللي جبينه مثل نور القمر
أو سناء برق صيف شع وقت الظلام
أتصبر ولكن ما قويت الصبر
وأتحفظ ولا ودي يبين الكلام
وش بلاني بحب شفت منه الكدر
عقب ما تاب قلبي عن طريق الغرام
إن بغيت المواصل قال من غير شر
مادرى إنه منقض جرح عشرين عام
آخر العهد فيهم في ثلاثه صفر
وخايف البعد يوصلني لشهر الصيام
يامنور حياتي يا ربيع العمر
ارحم اللي جرحته يا حبيبي حرام
والطف بحالة اللي ماقنع بالعذر
غايته لو تكرم شوفتك والسلام
