مرحباً يا خادم البيتين يا ساس الزعامه
يا المليك اللي لأجل شعبه يجيب المستحيله
ما يهمه كثر همه زاد بالشعب اهتمامه
شال حملٍ فوق حمله والصعايب تنحنيله
عودته طيب معافى للوطن زايد هيامه
تروي قلوبٍ عطاشى وتشفي صدورٍ عليله
عادت الفرحه وجيش الحزن صرح بانهزامه
وأنتهت دمعة فراق ودمعة الفرحه بديله
لتسامح فيه ميزه وللوفاء رمز وعلامه
حاتمي في العطايا ما يمد إلا الجزيله
كافل الأيتام ريفٍ للوطن شرقه وشامه
صاحب الكف الندي وراعي اليمنى الطويله
ما يغيره الزمان ولا تغير عن نظامه
موقفه موقف حكيم وغايته دايم نبيله
معتلي فوق النجوم ومعتلي فوق الغمامه
والتواضع من صفاته يا عسى أيامه طويله
طبق الدين الحنيف وثبت أركان الكرامه
عالي الهمه شديد الباس خيال الكحيله
يمسح دموع الفقير ويجلس الشاكي أمامه
للوطن ظلٍ ظليل وللعداء نار وفتيله
طور العلم ورقابه والجهل قفى ظلامه
وانكسر رمح البطاله وهلت مزون المخيله
شيد صروح المعزه والعدل غاية مرامه
حنكته حنكة معزي لانوى شيل الثقيله
ما أحدٍ ياصل مداه ولا أحدٍ ياصل مقامه
تعجز بيوت القصيد ولا توفي ربع كيله
كلنا دونه جنود مبايعينه بالأمامه
نارد حياض المنايا لأجل عهدٍ له نشيله
وصلو على نبينا شفيعنا يوم القيامة
عد ما لاحت بروق وعد ماهلت مخيله
الشاعر/ محمد مرزوق محمد المخلفي
