أكبر الجرح لا جا من نذل عادي
بس منَّك صغير الجرح يا كوده
أقرب الناس بُعده عندي أعيادي
وانت لا أقبلت كن النفس مولوده
منْك نظره تبشرني بميلادي
قبل أعرفك سنيني شبه مفقوده
يا قمر كان نورك للملا بادي
غبت واصبحت بالاحزان موعوده
يا بحر.. وش يعكر موجك الهادي
غير نسمه تطالب منَّك العوده
اقبل الجرح يا وعدي وميعادي
منَّك الجرح يا شحه ويا جوده
لو تماديت تبقى الجرح وضمادي
لو تناسيت ذكرى الشوق موجوده
جرح الانذال لو كله الم عادي
وانت منَّك صغير الجرح يا كوده
مها الشمري
