وشفيك متضايق عسى ما حصل شي
ما عاش من ضايقك يا عيون خلك
صوتك من الآهات في نبرته كي
وضيقتك هذي ما هي بعادة لك
انطق تكلم حس في موتة الحي
مابيك تسكت والليالي تذلك
راع العيون اللي سقت رمشها مي
لعل دمع هلته فدوة لك
وشف شمس صمتك أحرقت من بغى الفي
قلب رجا باقي حياته يظلك
مابي غموضك يكفي اللي حصل لي
قل لي عن اسكاتك وش اللي حصل لك
اضحك عن اللي تكتمه وانطق اشوي
شتت حزن قلب عجز لا يملك
تكفى عشاني لا يجي بخاطرك شي
ترى عذابي منك لاضقت كلك
سحايب خير
