أشوفها وأغض عنها وأصدي

وأنا بنفسي شيء ويردني شي

العزة أكبر من خضوع وتحدي

كم واحدٍ ميت كرامة وهو حي

ترد وإلاَّ جعلها ما تردي

لا والله إللي في خيالي ما هي هي

لو عشت عمري بين جزري ومدي

مانيب راجيها سرابٍ ولا مي

ولاني وكيل المهزلة والتعدي

ولاني معالجها ولو طبها كي

ومن قال حدك قلت ماهو بحدي

ماهو كرم مقرون في حاتم وطي

ولا عاد يغريني مزاحي وجدي

من مرحلة في مرحلة ليّها لي

مراحلٍ لأجمل مراحل تهدي

والجرح منها لو يطول الزمن ني

الشاعر - دحيم النومسي