مرَّت سنة

ورَى سنة

وانتَ وأنا

تِهنَا على كل الدروب

إحساسنا لو شمسنا

غابت ورى تَل الذنوب

يبقى يجمّعنا صباح

وينتهي فينا غروب

باقي إف.. عيوني.. مستحيل

وباقي إف.. عيونك.. خطوتين وألف ميل

صعبَ الرحيل

عن قمّتي

وصعبه أحطّ.. ف.. ذمّتي

انك بخيل..!!

جمعت لك في ضحكتي..

ورد وعبير

وسكبت لك في دمعتي..

حزن المصير..

آخذ من أيامك زمان..

وأبتدي فيك الطريق

وأعطيك من صبري أمان..

وأنتظر منك الصديق

ياللي تواريخك معي.. شِيمَة وفا

كتبتها.. جمعتها.. برد.. ودفا

وغنّيتها ظل وهجير

عَطْني من الطيبة وَعَد..

واعطيك.. طعم الانتظار

لو زاد بالظلمة أمَد..

باقي من الوقت النَّهار

أبَـ أوعِدَك.. باللي بقا

وأعاهدك صدق ونقا

وأعيش فعيونك مزار

يا صاحب القلب الأمين

نامت عيون العالمين

خذني حنين

لا تخذل جروح السنين

جيتك نهاية راضية

ظلمك حكاية ماضية

جرَّة قلم.. حزن وألَم.. قلب انظَلم

أبـ.. أختم الفصل الحزين

الشاعرة: نوف بنت محمد

النـ ج ـدية