على النِّضا والخيل دايم مشاويح

ما نتِّقي برد الشتا والقوايل

نسعى بدنيانا نبي هبّة الريح

ونخوض غِبَّاةٍ ونكسب جمايل

الشاعر/ساجر الرفدي

ماني وأنا بندر ببيَّاع دمّه

يقطعك يا بيّاع دمه ومهفيه

اللي يبيّع لابسات الأزمة

خبلٍ يبا بيض الغنادير تغنيه

الشاعر/بندر بن سرور

ما أرجيك وانته ما جلست برجايه

مار استرح دام الليالي رخيّه

لا مستواك ولا انت في مستوايه

ما جاز لك طبعي ولا جزت ليّه

الشاعر/بدر الحويفي

ولا تبات بهم دنياك مضنوك

ما طاب لك مادام لك وافتهم ذاك

لو يطلبون اخفايك الناس ما اخفوك

والرجل مثل النجم في كل الأفلاك

الشاعر/سليمان بن شريم