توي صغير ومن زمان العنا.. شبت
وكم واحدٍ قبلي من الوقت شايب
يا كثر صكّات الزمن بس ما تبت
إلا عن اللي يغضب الله تايب
ياللي تشوف العين صدقت كذّبت
الله أكبر يا زمان العجايب
عقدين من عمري مضن لي وجرّبت
فيهن من أغراب العجايب غرايب
يا ما أقرب الجمعة إليا قالوا السبت
تجري الليالي مثل مجرى الهبايب
صحيح مع بعض الرياجيل لو طبت
يرجع عليك اللي فعلته نشايب
لكنّ دامي حي شرّقت غرّبت
على الوفاء دربي وأسوق الركايب
الشاعر: عوض بن فدغم البدين الحربي
