مرثية في سمو الأمير الشاعر خالد بن يزيد فقيد الشعر والشعراء (رحمه الله)
ليت الحزن مثل دمع العين لا طاح طاح
لكنه أصعب على المحزون من دمعته
الموت لو يردعه كثر البكاء والنياح
كان الدموع الغزيره تنبي برجعته
من وين أبلقى صبر والصبر بالصدر باح
وأظلم اسبوع الوداع بسبته وجمعته
ما راح ذكر الأمير اللي توفّى وراح
رحل وخلّد وفاه وطيبه وسمعته
اللي اكتسح عالم الشعر الأصيل اكتساح
وأنور طريق الأدب والعز من شمعته
برّاق فكره على سحابة الشعر لاح
وأمطر أدب غيثه الشعري على زرعته
خالد وريث الصخى خالد وريث الرماح
خالد خلد بالفخر طاريه من طلعته
ابن يزيد السطر في ذكره المسك فاح
تجرّع العز والناموس من جرعته
كم مسلمٍ يطلب الله بالمساء والصباح
ويزيد له بالدعاء بسجوده وركعته
يغفر لخالد سمو الجود طير الفلاح
ويجيره الله لظى جهنم ولسعته
الشاعر - شافي بن عبد الهادي بن راجس السبيعي
