العيد صبحك، والهدية حضورك

ياللي بشوفك يصبح العيد غاية

يشتاق فجر العيد ريحة بخورك

وأشتاق قولك: (عيد وأنتِ معايه)

ألبس وأغير وأتخيل شعورك

وأمشط وأطيب ما هجرت المراية

أروح وأرجع أتحرى مرورك

أفلّ شعر القلب وأضفر شقايه

أردد أبياتك، وأقطع بحورك

أبغى التفوق في الغلا ياغلايه

الله يوم أشرق على القلب نورك

أجهر حروفي، دسّ شعري ورايه

تفتّح بشوفك في خدي زهورك

تبي تحس في نظرتك بالرعاية

كلي أمل أحظى ببسمة سرورك

وأقرأ في وجهك ما يسطر هنايه

مستورة الأحمدي