كتب - عبدالعزيز المتعب

لسمو سيدي الأمير سلمان بن عبدالعزيز وزير الدفاع أطال الله عمره وأدام عزه مكانته الخاصة في وجدان كل مواطن سعودي لما حباه الله من تفرّد في تاريخ مجده وإنجازاته ومواقفه الكبيرة على كل الصعد ومع الجميع -حفظه الله- وهذا ما عبر عنه الشاعر محمد بن ناصر بن عقيّل:

يا سيدي سلمان عيدك مبارك

عسى سموك سيدي دايم بخير

بسم القبيلة جيت أهني وأبارك

من قلب مخلص لك محبه وتقدير

أهلا هلا حييت حيّاك دارك

إعداد وبّال السحاب المزابير

اقلوبنا من وقع طول انتظارك

كنها تقول الدار في جيتك غير

والعين عطشى والضماير تشارك

في حبك اللي صوّرته الجماهير

أنت الوفا يا سيدي من شعارك

وانت الكريم اللي كرم غيرك يحير

يمناك تعطي دون تدري يسارك

وتعم كل الناس يا منبع الخير

وانت الصباح اللي تجلّى نهارك

اسمك يعد مع الزحول المشاهير

ساعة تبيّن فالقناة اختيارك

من فرحتي يا سيدي ودي أطير

حنا بمرسوم المليك انتبارك

ونفرح بمثلك يا زبون المخاسير

تستاهل المنصب وينخاك دارك

ولا للمناصب غير قرم المناعير

الجيش جندك سيدي فالمعارك

تامر وتنهي بالرجال المغاوير

للسلم تجنح لكن الحرب كارك

سيفك تقص به السيوف البواتير

تاريخك الميمون يشهد مسارك

يا أبو فهد يا مسطّر المجد تسطير

طوّعت نفسك وأنت للطيب دارك

والطيب في عينك يزف التباشير

واللي على عبده منزّل تبارك

إن العمر والروح تفداك يا أمير

ما هو كلام في الضمير ايتعارك

هذا كلام الجد والفعل تبرير

وختامها صلوا على اللي امبارك

شفيعنا يوم الحشر من زمهرير

الشاعر الرائد - محمد ناصر عبدالمحسن بن عقيل