ضاق الفضاء من كبر هول الفجيعة

منه الدمع كله تجمد بالأحداق

عبرات هاجت بالصدور الوسيعة

تجتال ما بين الحنايا والأعماق

لو نستبيح الصبر ما نستطيعه

في ليلتن فيها نطاق الفضاء ضاق

لو كانت سدود المحاجر منيعة

تهاوت من الدمع والدمع دفاق

ليت الخبر ما قام كل يذيعه

حتى يصير لشكنا فيه مصداق

بس الزمن لو محدثاته مريعه

نرضاه والمخلوق في حكم خلاق

مرحوم يا للي عم طيب صنيعه

المسلمين بكل الأنحاء والآفاق

سلطان أبو خالد مزيل الهزيعه

واليا أدلهم الخطب هو فجر الاشراق

صاحب يمينن مدها في الطليعة

وصاحب فكر هادف على الخير سباق

عساه في الجنة وطاها شفيعه

يوم السماء تطوى مثل طي الأوراق

والديره بعز ومكانه رفيعه

بخوانه الله كلهم طيب واخلاق

عنها يديهم للمكايد قطيعه

يبقى علمها فوق الاعلام خفاق

بهم الوطن صارت حصونه منيعه

جدد مع التطوير عهد(ن) وميثاق

على النقى ما هو بسر نشيعه

طيب أبو متعب طوق عقول وعناق

خادم بيوت الله مقيم الشريعه

يقودنا وآمالنا فيه تنساق

حنا معه في كل ما نستطيعه

النادر اللي موثق عهده وثاق

ولاء قلوب(ن) صدقها ما تبيعه

صدق الولا ما فيه تضليل ونفاق

بعهد الملوك اللي وفاهم طبيعه

وأمجادهم نور(ن) ملا كل الآفاق