هذه محاورة شعرية بين الشاعر أحمد الناصر والشاعر ناصر بن سرحان الشيباني:
(أحمد الناصر)
يا سلام الله على من سمع صوتي سلام
عدّ وبل المزنه اللي تلوح بروقها
ردةٍ فاللعب ما هي حلال ولا حرام
حاليه في حال وبحال مُرٍّ ذوقها
(ناصر الشيباني)
مرحباً بالصاحب اللي عرف وزن الكلام
كاملٍ بالعرف والناس دون حقوقها
من تعلّم يا بوناصر عرف رد العلام
والبضايع كلّها باعها في سوقها
(أحمد الناصر)
المعاني الطيّبه نورها يجلا الظلام
والشعيفه تتعب الناس كثر فتوقها
كن لك من يوم فارقتنا عشرين عام
طالت الغيبه وأبا أنشدك ويش وفُوقها
(ناصر الشيباني)
أنت راعي معرفه واللحم يكسي العظام
وانظر اللي تحتها وانظر اللي فوقها
غيبتي عقبك جميله على عز ومقام
دالهٍ في ديرةٍ طالعٍ زملوقها
(أحمد الناصر)
نشدتي فاللعب مالي بها قصد ومرام
عادة الشعّار تمشي على طاروقها
يوم شفتك هل شهر الفطر عقب الصيام
تَوّ كبدي يابن مَشْيَبْ تلين عروقها
(ناصر الشيباني)
حتى أنا عقبك عيوني شقيّه ما تنام
أنت ما بقت المَعَرْفَه وانا ما أبوقها
دام أنا في ما قفي والفشق ملي الحزام
والمَعَرْفَه ينجح اللي يشد سبوقها
