حلاك اصلي ما يجاريه تقليد
أجود علامات الحلا والوسامه
جمعت كل الزين من غير تقليد
عليك من كل الوصايف علامه
ياعود مياس جمع خصره وجيد
اليا تمايل شدني في قوامه
وعيون خجلا تجلب الموت وتكيد
من شافها تفرض عليه احترامه
والخد وردي زاهي اللون وزهيد
وتزينك عن اسفل الخد شامه
أنا أشهد انك تفتن الناس وتبيد
واللي يشوفك ما تشيله اعظامه
من يوم جيتني والفكر سارح بعيد
عن عالمي واعطاك كل اهتمامي
دايم خيالي له بطيفك مواعيد
كل ما يحل الليل يرسل سهامه
لو جيت ابصبر أدري الصبر ما يفيد
ياللاسف ضاع الأمر مع زمامه
شوفك منى الخافق وامقابلك عيد
ياغايه القلب الشقي ياغرامه
أنت الحلا والذوق تأكيد تأكيد
تاج الحسن تستاهله مع وسامه
أشوف فيك الزين كل يوم ويزيد
وأذوب لا بانت عليك ابتسامه
وليد الناصر
