يالله يللي على ارضه تشرق انواره

ياواحدٍ يحلف المؤمن ويقسم به

يا مكوّن الكون والايام دواره

وجميع ما نجهله بالكون تعلم به

تفرج لمن ذاق حلو الوقت ومراره

من كثر ما شاف في وقتٍ تعلم به

أشوف جارٍ لجاره كثرت أشراره

وعزي لجارٍ لقى جارٍ تزايم به

قلّت سلوم العرب بالمدن والحارة

من كثر ماينزل الحي وتلايم به

كم واحدٍ جدر بيت الجار بجداره

وما زار جاره وجاره ما عرف ذنبه

يسقي زمانٍ قصير البيت تختاره

وليا حصل ماحصل كلٍ شلع طنبه

والكل منهم رحل ما أخطى على جاره

قدّر جواره وحقه ما تهاون به

والجار يا أهل الشيم معروف مقداره

لكن به ناسٍ لا تفهم ولا تنّبه

وصى عليه الرسول وبلغ انصاره

للجار حقٍّ على جاره ويلزم به

من أول الجار ما ينوخذ في الغاره

لاصار جاره حزامٍ ينتحيزم به

الجار من يأمنه جاره على عاره

حقٍّ على الجار جاره دوم يا من به

والجار من يامنه جاره على أسراره

يحرص على سر جاره ما يعلّم به

والجار من يفرح بجاره ليا زاره

يثني التراحيب والماجود يكرم به

والجار من سأل عن جاره وش أخباره

ويشاركه بالفرح والحزن يحزن به

والجار لو بار بك لا تنوي الباره

اصبر تجمل وهو ذنبه على جنبه

لا بد كلٍّ يروح الصبح لدياره

وكلٍّ يعد الذي واجه ويعلن به

ولعل جارٍ يغث الجار بجواره

يجيه جارٍ من أشكاله يجنن به

جمعان بن عالي الغامدي