بندر الرشود شاعر يملك مفاتيح العذوبة .. يغيب عن المشهد الشعري ويعود بنص حالم خص به مدارات:
الزهر لأهل الهوى يعني لهم شي كثير
له لغات وله معاني في حياة العاشقين
تهت مابين البنفسج والقرنفل والعبير
ووردة الجوري ومعها الروز وورد الياسمين
واكتشفت النرجس اللي يعشقك يومك صغير
غار منه القحويان وطحت في وسط الكمين
يلمع اللولو إذا جاء فوق صدرك ياالغرير
وتزين في ايديك الأساور والحلي ويا الثمين
تشبهك مرايتك ياالبدر في ليلن منير
وتعكسك الشمس نورن في عيون العالمين
يحرج الناعت حلاك وخيزرانك والحرير
ويدهشه الناعسات الخرس ولون الوردتين
لوكتبك احمد ابوالطيب أو الشاعر جرير
في الأدب يبقى لك اسم وللبلاغه تنتمين
ليت لي عفريت وإلا ريح او هدهد يطير
كان جربت القوي فيهم وجربت الامين
وابني الصرح الغريب ويمشي بجنبك وزير
واخلي الحراس تعطيك التحيه واليمين
وكل شاعر يجمع الجمهور في وقت قصير
يقدر يفسر لغات الورد يامحمد أمين
قل لها باني فتحت الباب الاول والاخير
اسكني باقصى الخفوق وياصلك اللي تبين
- بندر الرشود
