بارعة ونص جديد نسائي يحمل من الشعر الجميل الكثير:

نايم ومتهني ولا جاب طاري

وقلبي صواديف المحبة تفره

الصدر بعده للمكاريه عاري

همٍ غزى قلبي كفى الله شره

تنزف حروفي والقوافي مواري

آخر بيوتي والجفى ذوق مره

ودعتك الله قلتها باختياري

من بعد ما ذاق الخفوق المضره

عفت القصيد وجف نبع العباري

من بعد ما كانت عيوني تدره

ضاع الغلا ما بين بايع وشاري

وتعبت أنا ما بين كره وفره

واليوم ابعلن للخلايق قراري

خوف القوافي لا تجيه وتغره

نهر الغلا بالقلب ما عاد جاري

ما باقي الا القاع واطراف جُره

غيرت عنك يا حبيبي مساري

لو كان في قلبي من البعد حره

حبك دفنته والتجافي مواري

وأنت تعرف اني فهيمه وحره

كانك تبي ترجع وتطلب جواري

انسى خلاص الحظ بالعمر مره

يالله بمان الله مغليك ساري

عاف القصيد وبيح اليوم سره

بارعة