كتب - عبدالعزيز المتعب
الشعر الجزل في مقام سيدي الأمير سلمان بن عبدالعزيز -أطال الله عمره وأدام عزه- هو بعض ما يوثق شخصيته المتفردة على كل الصعد، والقصيدة التالية بمناسبة حفل جائزة الأمير خالد بن أحمد السديري -رحمه الله- على شرف صاحب السمو الملكي الأمير سلمان بن عبدالعزيز وزير الدفاع -حفظه الله-.
سر يا قلم واكتب من الشعر ما طاب
ما طاب من زين المثايل نقوله
يا مرحبا اعداد ما هل سكّاب
من مزنةٍ غرّا تناثر أثعوله
يا ابن الملك عزّ العروبة والأصحاب
الحاكم اللي نال كل البطوله
اللي صلاة الصبح ما نام وارتاب
حوّل على المصمك بخيلٍ يصوله
اللي كسر الباب والخير له باب
ونادى المنادي والملك بايعوله
ديرة جدوده الفخر عزّ الانساب
آل سعود أهل الفعول المهوله
تاريخهم يذكر للي بلا صلاب
ولو طالت أيام الدهر ما تزوله
ووحّد بلاد الخير من كل نهّاب
وجمع شتات الشعب ربع وحموله
والخير عمّ المملكة والامن هاب
أفعول أبو تركي هذه فعوله
أبوك ما مثله على كل هنداب
يزبّن الزابن ويأمن دخوله
عساه في الجنة يقرب وينجاب
ويمر من فوق الصراط بسهوله
ويحفظ عياله درعنا وقت الانشاب
حماة بيت الله من كل هوله
حكام شرع الله سنه وكتاب
لا ظلم ولا مظلوم عدل يجوله
والمملكة اليوم في عز واطياب
في ظل أبو متعب حكومه ودوله
ويحفظ ملكنا من كل حاسد وكذاب
ويحفظ ولي العهد رمز الرجوله
نايف ولي العهد لاخوه وأناب
نعم الملك والعضد واللي انتموله
ويحفظك يا سلمان من كل مرتاب
قايد صواريخ البلاد العجوله
قابض دفاع المملكة خير مقضاب
وكم صار من توجيه وكم صار جوله
والطائرات اللي دفاعات وحراب
وقعّت جيتها وسرعة وصوله
أنت العوض يا سيدي عقب صباب
سلطان يهول الجود من كثر هوله
سلطان ما ننساه شباب وشياب
عساه في الجنة فاله دخوله
وانت العوض يا سيدي عقب ما غاب
جيت الدفاع وهان عنهم رحوله
وانت الوفي يا سيدي عقب ما انصاب
ياما سهرت الليل عنده وحوله
وفيك الوفاء يا سيدي ما له حساب
وصفك بيوت الشعر تمشي خجوله
وفي جائزة خالد ثقافات وآداب
وتشجيع متفوق وجهد ينوله
يا جعلها تقبل بالاعمال وتجاب
بميزان راعيها تصير معدوله
كل السدارا رمز تاريخ واعجاب
اهل الكرم وأهل الوفا في اصوله
تشكر أبو مشعل على الفعل وتثاب
برك بأبوك اللي العرب اشهدو له
وختامها اقول يا رب الارباب
تحفظ ملكنا اللي ثقالٍ حموله
للشاعر: فيصل بن ناصر الذيابي
