تضيق فينا الواسعة بعض الامرار
ونزود الضيقة من الكبت ضيقة
تحدنا الدنيا ونصبر ونحتار
ماودنا يدرون بعض الخليقة
نضحك ونسترها وهي تشتعل نار
تبدي ملامحنا خلاف الحقيقة
اقول في نفسي ترا الوقت دوار
تزين لو شانت ونلقى طريقة
دام انها تدرج الى وقّفت عار
نمشي وتمشي والجلادة عريقة
ياما تكبدنا المشقة والاضرار
لين الامل ينشف من الصبر ريقه
بس انها كبرت علي دون ماختار
وخان الصبر منهو يعده شقيقه
ما جابني لك كود تضييق الاقدار
وما عاد به درب ٍ يبشر مضيقه
والحمل لو مازاد واستفحل وجار
والله لاشيله باذن ربي واطيقه
انا اكره اللي يستغلون الاخيار
وابغض صديق ٍ مستغل ٍ صديقه
مابيك تستنكر ولو صار ماصار
ماللرفيق الا مواقف رفيقه
ولو مالي بقلبك من مكانة ومقدار
وعلاقتك بالجود ماهي وثيقة
ماجيت لك وضلوعي الحدب للنار
خليتها بالصدر تشعل حريقة
فيصل بن سبيّل الباهلي
