ما كـبا الجواد في عـز اللـزز
نال سبقه واكده علم يقين
كم تحداه الخصم لكن عجـز
راح يسحب خيبته.. يصفق بيدين
شاقه المجد وتعلاه وبرز
سطر افنونه .. توشح بالثمين
عادته وقت الملاقا يحترز
ما تطوفه فرصته لازم يبين
البطل رام الصعيبه وارتكز
سيد في ساحته حاضر وحين
والبطوله جابها فخر وعز
مانتظرها من شمال أو يمين
شعللوها رجالها اللي تكتنز
بالعطا والموهبه وعقل فطين
السفير اليوم حاضر مايقز
ذي عوايده الأصيله من سنين
عمت الأفراح وانجازه يهز
القلوب اللي عشقها له مكين
له رجال سعيها له .. تنتهز
ماتخلا عنه بالقسوه ولين
ما تغلا أو تمنن أو تبز
تدعم ابصمت ولها نهج رزين
والثمار اليوم ذا جنيه جهز
اسعدي يالخرج وهني المخلصين
- عبد العزيز الفريخ
