حط العصا يا سيدي جعل ما باس

متني بدلها كان ودك تعصّى

رجلك متعبها على خدمة الناس

ومرسوم أبو متعب لشخصك منصّي

يابن المليك اللي على قب الأفراس

خاض المعارك واستتبت ووصّى

أنت الحكيم ولا توصّف بالأجناس

وفي ملتقى الأحداث منته موصّى

الله عطاك الحلم والعلم نبراس

وان جيت تآمر قبل تآمر تقصّى

تصدر قرارك ماتشاور من الراس

وكل ينفذ ما صدر منك نصّى

نايف قوي الرأي والفكر والباس

وأعمال نايف معجزة ما تحصّى

للسلم سلم وللمعادين دواس

وليا احتمى الموقف لنايف تنصّى

الشعب كله يبيض الوجه حراس

أرواحنا دون الوطن لو تقصّى