اكفني شرك وخيرك وابتعد
لا تجي دربي ولا اطري عليك
دامهم غروك اصحاب الحسد
لا تحاول بالغلا قلبي يجيك
كل شي صار باسبابك بعد
والخطا يبقى الخطاء منك وفيك
كم على شانك تحملت الجهد
وكم انا ناديت بايامي ابيك
وكنت لي في ناظري وجه السعد
غالي مالك ابد عندي شريك
وكم عطيتك حب واحساس وشهد
وللأسف ياللأسف قلبي نسيك
والقرار اليوم ما مثلك احد
في جفاه وقسوته حسبي عليك
انتهينا وش تبي مني بعد
لا تجي دربي ولا اطري عليك
فهيد البقعاوي
