عن عيني اليمنى.. ثمانين عذرا

ولا شفتك انتي ينطفن الثمانين

للشعر قاف.. وللهواجيس مسرى

ولا جيت ساري للغلا.. وش تقولين؟

بيني وبينك نجمة الليل حمرا

حتى وأنا مغمّض أدل العناوين

شاب الشهر.. بس اللقا صار قمرا

يا حلوها قمرا.. ليال المحبين

حبيبتي والنفس تشقى وخضرا

لا ردها.. جور الزمن تقضي الدين

ما هوب دايم كل الأيام قشرى

ولا هوب دايم وقتنا أبيض زين

ولا هوب دمع اللي على العين برى

الدمع يصدق لا بقى داخل العين

والله وأنا أكتب ثم والله وأنا اقرأ

إني أحبك حب مثل المجانين

عن عيني اليمنى ثمانين شقرا

ولا شفتك انتي (قلت يا ربي آمين)

للشعر قاف وللهواجيس مسرى

ولا جيت ساري للغلا وش تقولين

الشاعر/ محمد غازي الشيباني