سالم صليم القحطاني

لا صار ما لك هدف واضح وقصْدٍ نبيل

حياتك اللي تقضّيها وموتك سوى

اعمل لدنياك واقهر لاجلها المستحيل

خل نيتك خير ولكل امرئ ما نوى

الناس لولا المبادي والصراط الفضيل

أوراق غصنٍ يطيّرها هبوب الهوا

مهما يحوشون مكسبهم قليل وهزيل

واللي ما يحسب حساب الدِّين ما له دوا

الله وكيلك وغير الله ما لك وكيل

عنّز على خالقك لا اوْحيت ذيبٍ عوى

وخلك معَ الحق لا ترتاع وَلا تميل

الرَّجل لا مال ميزانه بموقف غوى

واكسب جميل.. العرب تحب فعل الجميل

وْلا تقول للي نصاك بْضِيق: ما لك لوا

ترى الليالي تدور وحمْل بقعا ثقيل

ينْجيك طيبك وفعلك كان غصنك ذوى

الجزيرة ديجيتال