Wednesday 09/10/2013 Issue 14986 الاربعاء 04 ذو الحجة 1434 العدد
هذي حياتي
محمد بن حمدان المالكي
هذي حياتي كلها عشق وفراق
ما عمر لو لحظة صفا لي زماني
الله على قلبي من الحب ما فاق
كم ليلةٍ من كاس شوقي سقاني
تدميني الفرقا بطعنات الاشواق
وانثر بقايا لوعتي للأماني
واكتم لهيب الوجد باعماق الاعماق
خايف من العذال تعقر حصاني
دوّرت للوعه وللشوق ترياق
ولقيت مير القلب عاد وعصاني
كنه معلق في غرامه بمعلاق
صارت له الفرقا بلا وابتلاني
كم شتتني مثل تشتيت الاوراق
لا ساقها التيار في درب ثاني
والصبر طيب لكن الشوق حراق
بعثر هواجيسي ولخبط كياني
لو ذاق غيري مثل ما خافقي ذاق
شابت رموشه من كثر ما يعاني
سو ما بدى لك خافقي حيل مشتاق
ماني بقايل عود تكفى عشاني
