صالح الرشيدي

تلاعبني وانا اللي ركب الحبلين

على مرجاحة اللعب وقوانينه

قبل تاريخ ميلادك بعشر سنين

وعصفور الجناين في بساتينه

حزين الصوت يسرف بالحنين الين

يثير الوجد ويبكي محازينه

ينادي للغياب ويحتويه البين

يضيع الصوت حسرة بينه وبينه

يشيّب بالنواعس ما يشيب العين

لو انك نوب تقرا الحزن في عينه

خذاك البين وين وجيتني من وين

عقب مافل عقدٍ وينك ووينه

مضى وانا على خبرك من السالين

ولا ادور زكاته من مساكينه

أجوع ولا أتمنى لقمه المسكين

أصوم ولا أفطر إلا العيد في حينه

سقا الله بيت جدانك وقصر التين

لحيثك شجرة الريحان في طينه

تمايل للهبايب في شهر تشرين

اليا هبت تثنى في دواوينه

الجزيرة ديجيتال