يلعب بي التفكير مع كل طاروق
دنيا على العاشق قليل نصفها
بين الرجاء والياس والبعد والشوق
حالي خطيره لو تكرمت شفها
وقلب العناء من حبك اليوم محروق
ونفسي عنيده مير حبك عسفها
والنوم يا هاف الحشاء حارب الموق
وعيني على شوفك كثير شغفها
يابو عيون سود والعنق منتوق
وجدايل عدى الردايف طرفها
جمعت كل الزين مع عالي الذوق
وصايفك تعذب اللي وصفها
عز الله انك صرت لي بالهوى عوق
قربك منى روحي وبعدك تلفها
لد النظر يا ناعس الطرف برفوق
لمولع ٍ قصة غرامه كشفها
وهرج العواذل طنشه ورتفع فوق
لا تخلي العذال توصل هدفها
والشجره اللي مالها ثمار وعروق
يبطي مزارعها وهو ما قطفها
ولا هو صحيح ان كل مطرود ملحوق
يقوله اللي علتي ما عرفها
قصة غرام عارضوها هل البوق
وان كانها خربت على الله خلفها
- الشاعر: عبيد بن فالح أبو جراح ابوثنين
